«Թումո» ստեղծարար տեխնոլոգիական կենտրոնն ամփոփել է անցնող տարին և ներկայացրել 2022-ի անելիքները։

«2021-ին մենք հայտարարեցինք Թումո Հայաստան նախաձեռնությունը՝ 10 միլիոն ԱՄՆ դոլար մեկնարկային ներդրումով։ Դրանից ի վեր, մեր բազմաթիվ աջակիցների առատաձեռնության շնորհիվ, ստացել ենք ևս 4,5 միլիոն դոլարի նվիրատվություն։

Թումոյի գործընկերներ ՀԲԸՄ-ի և Աքիլյան ընտանիքի կրկնապատկման արդյունքում նախաձեռնությունն արդեն հասել է մոտ 19 միլիոնի, ինչը կազմում է 50 միլիոն դոլար ընդհանուր բյուջեով մեր դրամահավաքի շուրջ 40%-ը։

Այս ամենի արդյունքում մեր ցանցին կգումարվի ևս 6 կենտրոն Կապանում, Վանաձորում, Կողբում, Էջմիածնում, Հրազդանում և Մարտունիում, ինչպես նաև 40 նոր Թումո տուփ»,-ասված է կենտրոնի տարածած հաղորդագրության մեջ։

1004