Երկու կուսակցություններից ԱՄՆ Կոնգրեսի Ներկայացուցիչների պալատի 69 անդամներ հերթական անգամ կոչ են արել դադարեցնել ռազմական օգնությունը Ադրբեջանին և 150 միլիոն դոլարի օգնություն ուղարկել Արցախին ու Հայաստանին։ Այս մասին հայտնում է Ամերիկայի Հայ դատի հանձնախումբը։

Նախաձեռնությունը ղեկավարում է Կոնգրեսի հայկական հանձնախմբի հիմնադիր և համանախագահ Ֆրենկ Փալոնը:

Ներկայացուցիչների պալատի անդամները նամակ են ուղարկել Արտաքին գործառնությունների հատկացումների ենթահանձնաժողովի նախագահ Մարիո Դիազ Բալարտիին և ենթահանձնաժողովի ավագ անդամ Բարբարա Լիին, որոնք արդեն սկսել են ԱՄՆ Ներկայացուցիչների պալատի համար 2024 թվականի արտաքին օգնության օրինագծի մշակումը:

629