Վրաստանի իշխանությունները մինչև հունիս կկատարեն ԵՄ-ի կողմից սահմանված բոլոր 12 հանձնարարականները՝ ԵՄ անդամի թեկնածուի կարգավիճակ ստանալու համար։ Այս մասին լրագրողներին հայտարարել է իշխող «Վրացական երազանք - դեմոկրատական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն։
«Ամեն ինչ կատարվում է զգույշ, հունիսին նշված ճանապարհային քարտեզն ամբողջությամբ կփակվի, և բոլոր 12 կետերը կավարտվեն: Ի վերջո, ամեն ինչ կախված է Եվրամիությունից, իրենց որոշելիքն է տալ Վրաստանին կարգավիճակ, թե ոչ»,- ասել է Կալաձեն։
2022 թվականի հունիսին Եվրամիության առաջնորդները Ուկրաինային և Մոլդովային շնորհեցին համայնքին միանալու թեկնածուների կարգավիճակ։ Նրանք ընդունել են Վրաստանի եվրոպական հեռանկարը, ինչպես նաև 12 կետից բաղկացած մի շարք պայմանների կատարումից հետո նրան թեկնածուի կարգավիճակ տալու պատրաստակամությունը։