Բաժանորդագրվեք araratnews-ի տելեգրամ ալիքին։
Կառավարությունն այսօր ընդունեց որոշում, որով նախատեսվում է Աշտարակ համայնքի Օրգով բնակավայրում գտնվող 4 հա մակերեսով հողամասը, որի շուկայակական կադաստրային մոտարկված արժեքը կազմում է շուրջ 31.7 մլն դրամ, ամրացնել ԿԳՄՍՆ-ին:
Օրգով գյուղում գտնվող հողամասի նպատակային նշանակությունը հանդիսանում է հատուկ պահպանվող տարածքների, իսկ գործառնական նշանակությունը՝ պատմական և մշակութային, որը, համաձայն ՀՀ հողային օրենսգրքի 60-րդ հոդվածի, քաղաքացիներին և իրավաբանական անձանց սեփականության իրավունքով չփոխանցվող հողամաս է, միաժամանակ, առաջնորդվելով «Պետական գույքի կառավարման մասին» ՀՀ օրենքի 1-ին հոդվածի 2-րդ կետով, համաձայն որի՝ Կոմիտեի գործողությունը չի տարածվում նշված հողամասերի վրա, հետևաբար՝ ներկայացված նախագծով առաջարկվում է հողամասն ամրացնել ՀՀ կրթության, գիտության, մշակույթի և սպորտի նախարարությանը։
Գլխավոր դատախազ Աննա Վարդապետյանը նշեց.
«Սա համայնքային շահերի պաշտպանության գործառույթի շրջանակում Դատախազության կողմից ներկայացված հայցի բավարարման արդյունք է: Նախկին ղեկավարը Օրգով համայնքի 2005 թվականի ապրիլի 25-ի աճուրդով 4 հա մակերեսով հողամասն օտարել էր իր որդուն, ավելին՝ հողամասը տարիներ շարունակ չի օգտագործվել իր նպատակային նշանակությամբ»: