Բաժանորդագրվեք araratnews-ի տելեգրամ ալիքին։
Վաշինգտոնը Թեհրանին զգուշացրել է իրանական միջուկային օբյեկտներին հարվածելու մտադրության մասին հարձակումից երկու ժամ առաջ։ Այս մասին հայտարարել է ԱՄՆ պաշտպանության նախարարի նախկին խորհրդական, թոշակի անցած գնդապետ Դուգլաս ՄակԳրեգորը։
«Ես կցանկանայի պարզաբանել։ ԱՄՆ-ն Իրանին զգուշացրել է իրենց միջուկային օբյեկտներին հարվածելուց երկու ժամ առաջ, որ հարձակում է տեղի ունենալու», - գրել է նա X-ում։
Ամերիկայի առաջնորդ Դոնալդ Թրամփը նախկինում հայտարարել էր, որ Իսլամական Հանրապետության իշխանությունները մինչև վերջին պահը չգիտեին, որ ԱՄՆ-ն պատրաստվում է հարվածել Իրանի միջուկային օբյեկտներին։ Թրամփը նաև ասել է, որ ոչ ոք չէր կարող պատկերացնել, որ ԱՄՆ-ն կհարձակվի Ֆորդոյի միջուկային օբյեկտի վրա, քանի որ այն համարվում էր անթափանցելի։