Բաժանորդագրվեք araratnews-ի  տելեգրամ ալիքին։

Եվրոպական հանձնաժողովի նախագահ Ուրսուլա ֆոն դեր Լեյենը նախատեսում է պատժամիջոցներ կիրառել «ծայրահեղական» իսրայելցի նախարարների դեմ և սահմանափակումներ կիրառել Իսրայելի հետ առևտրի վրա:

Նա որպես պատճառ նշել է Գազայի հատվածում իրավիճակի սրումը: Ֆոն դեր Լեյենը նշել է, որ սովը չի կարող օգտագործվել որպես «պատերազմի զենք»:

«Գազայի հատվածում տեղի ունեցողը ցնցել է ամբողջ աշխարհը: Մարդիկ մահանում են՝ սնունդ մուրալով: Մայրերը անկենդան նորածիններ են պահում իրենց գրկում: Այս պատկերները պարզապես աղետալի են։ Սա պետք է դադարեցվի», - ասել է Եվրոպական հանձնաժողովի ղեկավարը Եվրոպական խորհրդարանում ունեցած ելույթի ժամանակ:

Օգոստոսին Իսրայելը հայտարարել է, որ կձգտի «վճռական ռազմական հաղթանակի» Գազայում: