Բաժանորդագրվեք araratnews-ի տելեգրամ ալիքին։
Մերձավոր Արևելքում տեղակայված ԱՄՆ զինված ուժերը հնարավոր է Իրանի դեմ նոր, լայնածավալ գործողություններ սկսեն ԱՄՆ նախագահ Դոնալդ Թրամփից հրաման ստանալուց հետո 96 ժամվա ընթացքում։ Այս մասին, հղում անելով երկու ամերիկացի պաշտոնյաների, հայտնում է CNN-ը։
Ըստ հրապարակման՝ տարածաշրջանում արդեն իսկ առկա են բավարար ուժեր՝ նման հարձակումներ իրականացնելու համար։ Պաշտոնյաները նշել են, որ այս գործողությունները կարող են դուրս գալ այն սահմանափակ հարվածների շրջանակից, որոնք իրականացվել են 2026 թվականի սկզբին ԱՄՆ-ի կողմից լայնածավալ մարտական գործողությունների դադարեցումից ի վեր։
Այդ հարվածները թիրախավորում էին ռադարները, հրթիռային կայանները և իրանական այլ ռեսուրսներ, որոնք հնարավոր է արագ վերականգնել։ Նրանք ընդգծել են, որ հարցն այն չէ, թե արդյոք հրաման կտրվի, այլ այն, թե երբ դա տեղի կունենա։ Պաշտոնյաների խոսքով՝ դա կարող է տեղի ունենալ մինչև տարեվերջ՝ ամենայն հավանականությամբ ԱՄՆ-ում միջանկյալ ընտրություններից հետո, թեև Թրամփը դեռ վերջնական որոշում չի կայացրել։
CNN-ը նշում է, որ ԱՄՆ Կենտրոնական հրամանատարությունը (CENTCOM) և Պենտագոնն արդեն կազմել են թիրախների ընդարձակ ցանկ, որը ներառում է իրանական էներգետիկ ենթակառուցվածքները, ինչպես նաև ռազմական և միջուկային օբյեկտները։