Բաժանորդագրվեք araratnews-ի տելեգրամ ալիքին։
Ազգային ժողովի՝ հոկտեմբերի 27-ի նիստին ԱԳՄԱ նախարար Արարատ Միրզոյանը ներկայացրեց Խաղաղության խորհրդի կանոնադրությունը վավերացնելու վերաբերյալ նախագիծը:
Նախարարը հիշեցրեց, որ 2026 թվականի հունվարի 22-ին վարչապետ Նիկոլ Փաշինյանը Դավոսի համաշխարհային տնտեսական ֆորումի շրջանակում, որպես հիմնադիր անդամ, ստորագրել է Խաղաղության խորհրդի ստեղծման կանոնադրությունը, և որ խորհրդի ստեղծման գաղափարը նոր չէր, քննարկվել էր դեռևս 2025 թվականի հոկտեմբերին՝ Եգիպտոսում կայացած Մերձավոր Արևելքի գագաթնաժողովի ընթացքում, որի շրջանակում էլ հիմնադրվել էր Խաղաղության խորհուրդը։
«Ահա հիմնադրվեց Խաղաղության խորհուրդը, որը կոչված է աշխարհի տարբեր անկյուններում ամրապնդել, հաստատել խաղաղությունը, նպաստել խաղաղությանը:
Խորհուրդն այս պահի դրությամբ ունի 28 անդամ, որոնք անդամակցում են 3 տարի ժամկետով։ Կամավոր նվիրատվությունների մեխանիզմ է սահմանված։ Որոշակի սահմանաչափ կա, որը չվճարելու դեպքում 3 տարի հետո խորհրդի նախագահը կարող է որոշել հետագա անդամակցության մասին։ ՀՀ-ն մինչև այժմ ոչ մի նվիրատվություն չի արել»,- ասաց նա։
Արարատ Միրզոյանը նաև տեղեկացրեց, որ Խաղաղության խորհուրդը հնարավորություն կտա երկկողմ զանազան շփումների համար։
«Գաղտնիք չէ, ակնհայտ է, որ այս հարթակը նաև այդ հարթության վրա շատ կարևոր խողովակ է ԱՄՆ-ի հետ, նաև մյուս անդամ պետությունների հետ քաղաքական շփումների և համագործակցության խորացման տեսանկյունից»,- ասաց նախարարը։