Բաժանորդագրվեք araratnews-ի տելեգրամ ալիքին։
Ապրիլից մինչև օրս ընդհանուր առմամբ լրացվել է մաքսային 557 արտահանման դեկլարացիա: 391 դեկլարացիա ավարտված է համարվում, ինչը նշանակում է, որ եթե արտահանվել է, օրինակ, ՌԴ, ապա ապրանքն արտահանվել է և հասել է ՌԴ մաքսային մարմնին: Այդ մասին Ազգային ժողովում 2024-ի պետբյուջեի կատարողականի նախնական քննարկումների ժամանակ ասաց ՀՀ էկոնոմիկայի նախարարի տեղակալ Արման Խոջոյանը՝ անդրադառնալով կոնյակ արտահանողների խնդրին, որոնց ապրանքը նմուշառման համար շաբաթներով պահվում է տարանցիկ երկրում՝ Վրաստանում:
Ըստ նախարարի տեղակալի՝ այն, որ 391 դեկլարացիա ավարտված է համարվում, նշանակում է, որ 557 արտահանման դեկլարացիայից 70 տոկոսի խնդիրն արդեն լուծված է:
«Հունիսի 1-ից մինչև հունիսի 10-ը ներառյալ 50 բեռնատար արդեն հասել է ՌԴ մաքսային մարմիններին»,- ասաց նա:
Արման Խոջոյանը նաև հիշեցրեց, որ ապրիլից, երբ խնդիրը ծագեց, ՀՀ պետական գերատեսչությունները մշտական կապի մեջ են եղել Վրաստանի համապատասխան գործընկերների հետ: