Ռուսաստանի նախագահ Վլադիմիր Պուտինի և Չինաստանի նախագահ Սի Ցզինպինի հանդիպումը կսկսվի կեսօրին։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Մոտավորապես ժամը 16։30-ին (Մոսկվայի ժամանակով) նախագահ Պուտինի հետ այսօրվա միջազգային հատվածը կշարունակվի, և դա կապված կլինի Սի Ցինպինի հետ հանդիպման հետ»,- ասել է Կրեմլի ներկայացուցիչը։
Անհատական զրույցը կշարունակվի ոչ պաշտոնական ճաշի ընթացքում:
«Այսօր Պուտինի և Սի Ցինպինի միջև կլինի ոչ պաշտոնական, բայց ուղղակի և շատ կարևոր շփում։ Երկու պետությունների ղեկավարներն իրենց հայեցողությամբ կբարձրացնեն ամենահրատապ խնդիրները»,- հավելել է Կրեմլի ներկայացուցիչը։
Պեսկովի խոսքով՝ Սի Ցզինպինի այցի գլխավոր օրը կլինի մարտի 21-ը։ Ծրագիրը նախատեսվում է սկսել Մոսկվայի ժամանակով 15:00-ին։ Բոլոր իրադարձությունները «կընթանան մեկ առ մեկ, ամեն ինչ տեղի կունենա Կրեմլի մեծ պալատում»։