Արմավիր համայնքի ղեկավար Դավիթ Խուդաթյանը շնորհավորական ուղերձ է հղել Հանրապետության տոնի առթիվ

Սիրելի’ արմավիրցիներ,

շնորհավորում եմ բոլորիս Հայաստանի Առաջին հանրապետության օրվա առթիվ։

Մայիսյան հերոսամարտերը առանձնակի տեղ են զբաղեցնում մեր հաղթանակների շարքում. դրանք ապրելու մեր իրավունքը պաշտպանելու փառահեղ դրսևորում ու ինքնիշխան պետություն վերակերտելու փայլուն սկիզբ էին։

Բախտորոշ պայքարում տարած բեկումնային այս հաղթանակները շրջեցին պատմության ընթացքն ու կերտեցին այսօրվա Հայաստանը. Սարդարապատում, Բաշ Ապարանում, Ղարաքիլիսայում մեծ կորուստների գնով թուրքական բանակի դեմ տարած Մայիսյան հաղթանակները փրկեցին մեր գոյությունը, Արևելյան Հայաստանն ու այնտեղ բնակվող հայությանը:

Ակնհայտ էր, որ Արևելյան Հայաստանի համար նախատեսված էր նույն ճակատագիրը, ինչին արդեն արժանացել էր արևմտահայությունը:

1918 թվականի Մայիսյան աննախադեպ հաղթանակները դարձան նոր պատմության սկիզբ, հաստատեցին մեր ժողովրդի վերապրումը, ամրապնդեցին ազատ լինելիության իրավունքն ու անկախ պետականություն ունենալու արդարացի պահանջը։

Չնայած իր գոյության կարճատև ընթացքին՝ Առաջին հանրապետությունը ներկայիս Հայաստանի հիմնասյունն է, մեր ժողովրդի պատվախնդրության ու միասնականության արտահայտումը։

Մենք պարտավոր ենք խորապես գիտակցել ու արժևորել այս վճռորոշ շրջադարձը, ժողովրդավարական արժեքների վրա հիմնվելով՝ կերտենք ու շենացնենք մեր նախնիներին արժանի հայրենիք։

Սիրելի’ արմավիրցիներ,

Եվս մեկ անգամ շնորհավորելով այս նշանակալի իրադարձության առիթով՝ մաղթում եմ խաղաղություն, առաջընթաց ու աներկբա հավատ մեր երկրի գալիքի հանդեպ։

Հավերժ փառք բոլոր այն հայորդիներին, ովքեր կերտեցին մայիսի 28-ը:

28 Մայիս, 2022 23:52

548

Երախտագիտություն ենք հայտնում Արցախի, հետևաբար, արդարության բոլոր աջակիցներին. Դավիթ Բաբայան

05 Օգոստոս, 2022 20:36

Արցախի ԱԳՆ-ն կոչ է անում միջազգային հանրությանը հասցեական որակավորում տալ Ադրբեջանի գործողություններին

03 Օգոստոս, 2022 18:50

Արցախում իրադրությունը հարաբերական հանգիստ է․ ԱՀ ԱԳ նախարար

02 Օգոստոս, 2022 16:13

Վարդավառը Արմավիրում սկսվել է. Դավիթ Խուդաթյան